పాకిస్తాన్ కరాచీలో ఘోర రైలు ప్రమాదం:16 మంది మృతి

పాకిస్తాన్ కరాచీలో ఘోర రైలు ప్రమాదం జరిగింది.  రెండు ప్యాసింజర్ రైళ్ళు ఎదురెదురుగా ఢీకొన్నాయి.  16 మంది ప్రాణాలు కోల్పోయారు.  మరో 40 మంది తీవ్రంగా గాయపడ్డారు.  గడాఫీ ప్రాంతంలో వెళ్తున్న జకారియా ఎక్స్ ప్రెస్ కు తప్పుడు సిగ్నల్ రావడంతో ఎదురుగా వస్తున్న ఫరీద్ ఎక్స్ ప్రెస్ ను ఢీకొట్టింది.  ఈ ప్రమాదం కారణంగా కరాచీ నుంచి మిగతా మార్గాల్లో రైళ్ళ రాకపోకలకు అంతరాయం ఏర్పడింది.  సహాయక బృందాలు రైళ్ళ మధ్యలో చిక్కుకుని పోయిన వారిని వెలికి తీశారు.  క్షత గాత్రులను సమీపంలోని ఆసుపత్రికి తరలించారు.