అన్ని వర్గాల సంక్షేమమే ప్రభుత్వ లక్ష్యమన్న గవర్నర్..

అమరావతిలో అపూర్వ ఘట్టం ఆవిష్కృతమయ్యింది. కొత్త అసెంబ్లీలో బడ్జెట్ సమావేశాలు ప్రారంభమయ్యాయి. తొలిసారి అసెంబ్లీలో అడుగుపెట్టిన గవర్నర్‌ నరసింహన్‌ ఉభయ సభల్ని ఉద్దేశించి ప్రసంగించారు. రాష్ట్ర విభజన తర్వాత ఇంత తక్కువ సమయంలో అసెంబ్లీని నిర్మించడం శుభపరిణామమన్నారు గవర్నర్‌. ప్రభుత్వానికి ఆయన శుభాకాంక్షలు తెలిపారు. ఇదే స్ఫూర్తితో ఏపీ అభివృద్ధిలో దూసుకుపోవాలని ఆకాంక్షించారు. ఇటు మంత్రులు, ఎమ్మెల్యేలు, ఎమ్మెల్సీలతో అసెంబ్లీ ప్రాంగణంలో పండగ వాతావరణం కనిపించింది.