డ్రాగన్ తో పెద్దన్న దౌత్య సంబంధాలను మరింత బలోపేతం చేయడానికి ప్రయత్నాలు జరుగుతున్నాయి. చైనా అధ్యక్షుడు జీ జిన్ పింగ్ వచ్చే నెలలో అమెరికాలో పర్యటిస్తారు. ఈ పర్యటనకు అమెరికా అధ్యక్షుడు డొనాల్డ్ ట్రంప్ ప్రాధాన్యం ఇస్తున్నారు. రెండు దేశాల మధ్య విభేదాలను తొలగించడానికి వీలైనన్ని చర్యలు తీసుకోవాలని ఇరు దేశాల ప్రభుత్వ ప్రతినిధులు ఇప్పటికే సంకేతాలిచ్చారు. శనివారం అమెరికాలో పర్యటించిన టిలర్సన్ కు చైనా విదేశాంగ మంత్రి వాంగ్ యీ ఇదే విషయం చెప్పారు. తైవాన్, దక్షిణ కొరియాకు మద్దతు, దక్షిణ చైనా వివాదం విషయంలో ఇటీవల అమెరికా, చైనాల మధ్య మాటల యుద్ధం జరిగింది. అయితే విభేదాల కంటే సామరస్యంగా సమస్యలను పరిష్కరించుకోవాలని ఇప్పుడు ట్రంప్, జిన్ పింగ్ భావిస్తున్నారు. ఈ కోణంలో వీరిద్దరూ చర్చలు జరుపుతారని వైట్ హౌస్ వర్గాలు చెప్తున్నాయి. చైనాతో సరిహద్దు తగాదాలున్న భారత్ కూడా, జిన్ పింగ్ – ట్రంప్ భేటీలో తీసుకునే నిర్ణయాల కోసం ఆసక్తిగా ఎదురు చూస్తోంది.
Leave a Reply