సమాజ్ వాదీ పార్టీలో ముదిరిన కుటుంబ పోరు

ఉత్తర్ ప్రదేశ్ అసెంబ్లీ ఎన్నికలు సమీపించే కొద్దీ రాజకీయం వేడెక్కుతోంది. అధికార సమాజ్ వాదీ పార్టీలో లుకలుకలు పెరుగుతున్నాయి. ములాయం సింగ్ యాదవ్ కుటుంబ పోరు తీవ్రమవుతోంది. ములాయం తమ్ముడు శివపాల్ యాదవ్ రాష్ట్ర పార్టీ అధ్యక్షుడి హోదాలో ఓ సమావేశం ఏర్పాటు చేశారు. ఎన్నికలకు పార్టీని సన్నద్ధం చేయడంపై చర్చించాలనేది ఆయన ఉద్దేశం. ఈ భేటీకి పలువురు మంత్రులు, నాయకులు హాజరయ్యారు. అయితే ముఖ్యమంత్రి అఖిలేష్ యాదవ్ మాత్రం డుమ్మా కొట్టారు. అఖిలేష్ విడిగా మరో మీటింగ్ పెట్టాలని నిర్ణయించారు. దీంతో బాబాయ్, అబ్బాయ్ మధ్య విభేదాలు తారాస్థాయికి చేరాయి.