ఈశాన్య రాష్ట్రం అరుణాచల్ ప్రదేశ్ లో మళ్లీ రాజకీయ సంక్షోభం ఏర్పడింది. ముఖ్యమంత్రి పెమా ఖండూతో సహా ఆరుగురు ఎమ్మెల్యేలను అరుణాచల్ పీపుల్స్ పార్టీ నుంచి సస్పెండ్ చేశారు. పార్టీ వ్యతిరేక కార్యకలాపాలకు పాల్పడుతున్నారనే అభియోగంతో వారిపై వేటు వేశారు. ఇక మీదట పెమా ఖండూ లెజిస్టేచర్ పార్టీ నాయకుడు కాదని పార్టీ ప్రకటించింది. త్వరలోనే కొత్త నేతను ఎన్నుకుంటామని తెలిపింది. దీంతో పెమా ఖండూ ముఖ్యమంత్రి పదవిని కోల్పోవడం అనివార్యంగా కనిపిస్తోంది.
గత ఏడాది అరుణాచల్ లో రాజకీయ హైడ్రామా నడిచింది. చివరకు కోర్టు జోక్యంతో అక్కడ కాంగ్రెస్ ప్రభుత్వం ఏర్పడింది. అయితే ముఖ్యమంత్రి పెమా ఖండూతో సహా 42 మంది ఎమ్మెల్యేలు కాంగ్రెస్ కు గుడ్ బై చెప్పారు. పీపుల్స్ పార్టీలో చేరారు. దీంతో అరుణాచల్ లో ఎన్డీయే పాలన మొదలైంది. అయితే ఏడాది చివర్లో అనూహ్య పరిణామాలు చోటు చేసుకున్నాయి. ఏకంగా ముఖ్యమంత్రినే పార్టీ నుంచి సస్పెండ్ చేయడం కలకలం రేపింది. దీనికి పెమా ఖండూ కౌంటర్ ఏమిటో తెలియాల్సి ఉంది. మెజారిటీ ఎమ్మెల్యేలు ఆయనకు వ్యతిరేకంగా ఓటు వేస్తే సీఎం పదవి కోల్పోవడం ఖాయం. కొత్త ముఖ్యమంత్రిగా ఎవరు ఎన్నికవుతారనేది ఆసక్తికరంగా మారింది.
Leave a Reply